Mba azonao an-tsaina ve ny vaha-olana tsy azo eritreretina nataon' Andriamanitra mba tsy ho very ianao? Tsy maintsy nalatsaka ny ran'ny Zanany ho setrin'ny fahamarinana hoe : "fahafatesana no tambin'ny ota" sy ny hoe "fa raha tsy misy rà alatsaka dia tsy misy famelan-keloka". Tsy namaly Andriamanitra rehefa niantsoantso Jesoa hoe : "Andriamanitra ô, Andriamanitra ô, nahoana no dia mahafoy Ahy ianao?" Tsy nijery Azy Andriamanitra, tsy nihaino, fa ianao tiany ka nahatonga Azy adalam-pitiavana no nobanjininy. Dia inona no avalinao izany?

🤲Vavaka:

Andriamanitra ô, mba ho adalam-pitiavana anao koa anie izahay ka tsy ho menatra hanao izay mahafaly anao.