Rehefa nokororohin'i Satana Petera dia voaporofo fa tahaka ny akofa sy mololo fa tsy tena vary. Tia an'i Jesoa izy, nino Azy izy saingy mbola maivana, fitiavana sy finoana mora tsofin'ny rivotra. Tao anatin'ny fotoana fohy, in-telo nandà ny Tompo.

Ny mahafaly dia ny fibebahany, tsy nanamafy fo tahaka an'i Jodasy izay namono tena izy. Nivaly ny vavaka nataon'i Jesoa ho azy hoe: "Izaho nangataka ho anao mba tsy ho levona ny finoanao". Nampahery sy nitaona olona maro ho an'ny Tompo Petera. Aza reraka ny mibebaka rehefa voaporofo fa akofa tahaka an'i Petera ianao.

🤲 Vavaka:

Jesoa ô! Aza avela hiala Aminao izahay rehefa miharihary ny fandavanay anao. Tariho hibebaka mandrakariva izahay