Mosesy koa niala tsiny ka nanao hoe : "tsy mahay mandaha-teny aho". Gideona koa nandà ka niteny hoe: "Ny mpianakaviko no malahelo indrindra ... ary izaho no kely indrindra amin'ny ankohonan'ny raiko". Paoly nangataka ny hialan'ny fanaintanana teo amin'ny tenany mba hahazoany manatanteraka ny iraky ny Tompo fa ny valim-bavaka dia ny tenin' i Jesoa hoe: "Ampy ho anao ny fahasoavako, fa ny heriko dia tanterahina amin'ny fahalemena". Hoy Andriamanitra tamin'i Gideona: "Mandeha amin'izao herinao izao ka vonjeo ny Israely". Rehefa samy nandeha tamin'ny finoana sy fitiavana izay rehetra nirahin'ny Tompo dia nahavita mihoatra noho izay notakiana taminy. Ianao koa, mandehana amin'izao maha ianao anao izao!

Vavaka: Ianao no miasa, mpiara-miasa Aminao izahay, mampianatra anay hanetry tena ao amin'ny fahalemenay. Amen!