Ataovy tsy mitsahatra ao am-ponao sy ao an-tsainao amin'ny fotoana rehetra ary manoloana ny toe-javatra rehetra izany vavaka izany. Fa hoy ny Tompo : "Hanome saina anao sy hampianatra anao izay lalan-kalehanao Aho; hitsinjo anao ny masoko ka hanolo-tsaina anao Aho" - Salamo 32:8

Tsy hitan'ny masontsika Izy, tsy mandre feo avy any an-danitra isika fa raha mitady Azy amin'ny fontsika rehetra isika dia hahita Azy (Jeremia 29:13). Tsarovy fa ny sitrapon' Andriamanitra dia tsara sady ankasitrahana no marina. Aza tonontononina fahatany ilay vavaka nampianaran'i Jesoa hoe : "Atao anie ny sitraponao ety an-tany ..." ary iaino ilay vavaka nataony hoe : "Tsy ny sitrapoko anie no atao fa ny Anao"