Angaha ny volafotsy sy ny volamena ihany no Azy? "An'i Jehovah ny tany sy izay rehetra eo aminy. Izao rehetra izao sy ny mponina eo aminy" - Salamo 24:1. Manoloana ny fanarenana tsy maintsy atao amin'ny tempolin'i Jehovah dia io teny io no nampaherezan' Andriamanitra ny olony. Zava-dehibe ny fanatrehan' Andriamanitra, tsy ao amin'ny Tempoly ihany fa ao am-pon'ny olona indrindra koa.

Izay hahatenteraka ny fonenan' Andriamanitra ao am-pon'ny olona izany indrindra no ampaherezan' Andriamanitra antsika hitory filazantsara hihavanan'ny olona Aminy.

Asa lehibe sy sarotra izany hoy isika fa ny Tompo kosa dia mampahery anao hirotsaka an-tsehatra fa Azy ny zavatra rehetra. Ampiasao hihariana harena any an-danitra izay nomeny anao.