Hoy ny Salamo 119:68 : "Sady tsara Hianao no Mpanao ny tsara;". Hatramin'ny namoronan' Andriamanitra izao tontolo izao dia efa miharihary izany fahatsarany izany. Ny fanamarihana isan'andro nataony hoe : "Ary hitan' Andriamanitra fa tsara izany" dia nohamafisiny tamin'ny andro fahenina hoe : "Ary hitan' Andriamanitra izay rehetra nataony ary indro TSARA INDRINDRA izany" - Genesisy 1:31. Dia hivadika mpanao ratsy ve Izy? Sanatria izany. Tsy miova omaly sy anio ary mandrakizay Izy. Anjaranao ny mitady Azy. "Ary hitady Ahy ianareo, dia ho hitanareo Aho, raha katsahinareo amin'ny fonareo rehetra" - Jeremia 29:13. Atolory Azy ny fonao, ifony ny fahotana nataonao fa izany no mampiafina ny tavany tsy ho hitanao. Mahereza!