Petera, mpianatra mafana fo, nanome toky hoe : "Tompoko, vonona hanaraka Anao aho, na ho ao an-tranomaizina, na dia ho any amin'ny fahafatesana aza". Tsy nahatana ny toky nomeny Petera, mbola marefo sy malemy ny hery tao anatiny, nandainga in-telo ho tsy nahalala an'i Jesoa izy. Soa ihany fa efa nivavaka ho azy Jesoa dia tsy levona ny finoany ary nibebaka izy. Ianao koa, na tamin'inona na tamin'inona no nahalavo anao tamin'ny fahotana, mibebaha, fa raha miaiky ny fahotanao ianao dia mamela ny helokao Izy. Ho tahaka an'i Petera nafana fo tamin'ny fampaherezana ny hafa ianao.