Tia an'i Jesoa ve ianao? Sahia mitandrina ny teniny! Aoka tsy handà Azy ianao manoloana ny herin'ny vola sy ny tahotra olona. Jereo Jesoa, Aza mifantoka amin'ny fahavalo, aza avela haharaiki-tahotra anao ny olona ary aza avela haka ny toeran' Andriamanitra hibaiko anao ny olona. Avy amin'izay hery kely anananao, sahia mijoro ho vavolombelon'ny Tompo. Fantatry ny Tompo ny fitiavanao Azy. Dia ho gaga ianao fa hitombo hery eny am-pandehanana, ny heriny dia tanterahina ao amin'ny fahakelezan'ny herinao.