Mba malahelo ihany ianao raha misalasala ny zanakao ka manontany hoe : "tena mandray an-tanana ny fiainako ve dada sy neny?". Isika olombelona no voafetra, tsy mahita atao indraindray manoloana ny olan'ny zanantsika. "koa ampitovianareo amin'iza moa Aho, hitahako aminy?" - Isaia 40:25. Ampitoviantsika amin'ny tenantsika na amin'ny olombelona indrindray Andriamanitra. "Raha mitovy amin'ny raiko niteraka ahy izany Andriamanitra Ray ambaranao amiko izany dia tsy mila azy akory aho" hoy ity tanora iray. Nanana ratra-po noho ny tsy nandraisan'ny rainy niteraka azy andraikitra tamin'ny fiainany izy dia nikatona tamin' Andriamanitra ny fony.

🤲 Vavaka :

Mivavaha mba hahalalantsika fa Ray be fitiavana Andriamanitra