Saika matin'ny tora-baton'ny vahoaka Paoly teto rehefa nitory filazantsara. Fampidirana ny olona amin'ny fanjakan' Andriamanitra no nataony. Izay mibebaka dia tsy mijanona ho olon'ny fanjakan'ity tany ity fotsiny fa nateraka indray vao tafiditra amin'ny fanjakan' Andriamanitra. Ny fahaterahana ara-dalàna dia tsy maintsy miaraka amin'ny fahoriana be sy fanaintainana. Hoy Jesoa : "Hitomany sy hisaona hianareo, fa izao tontolo izao kosa hifaly; ary hianareo halahelo, nefa ny halahelonareo hody fiafaliana". "Aty amin'izao tontolo izao no ahitanareo fahoriana..." hoy Jesoa. Naharesy Izy; ianao koa aza mety resin'ny fahoriana ka lasa kristiana mihatsaravelatsihy.