Satrintsika ho tia antsika avokoa ny olona rehetra satria isika asaina mitia ny olona rehetra tahaka ny nitiavan'i Jesoa azy. Fitia mifamaly mahatsara fihavanana. Raha mpanara-dia an'i Jesoa ianao, tsy izany foana no mitranga, tahaka izay nahazo Azy tety ihany no mihatra amintsika. Inona no zava-tsoa tsy nataon'i Jesoa? Nanasitrana karazan'aretina nahazo ny olona maro Izy, namoaka ny fanahy maloto, namoky sakafo ny olona marobe tao anatin'ny hanohanana, nitory teny soa mahafaly. Inona no navalin'ny olona azy? Fisaorana? Fitiavana? Tsia. Fankahalana, famantsihana Azy teo amin'ny hazo fijaliana. Izay tsy manao ny fanaon'izao tontolo izao tahaka Azy dia halan'izao ontolo izao. Tsy mahagaga izany.