Ireto mpianatra nandao an'i Jesoa sy nandositra ireto dia nilokaloka sy nanome toky an'i Jesoa araka ny Marka.14:31. "Fa vao maika niteny mafy dia mafy izy (Petera) hoe : Na dia hiara-maty aminao aza aho, tsy handao Anao tokoa aho. Ary toy izany koa no nolazain'izy rehetra (mpianatra)". Fotoana kely ihany ny elanelan'ny fanomezan-toky sy ny fivadihan-pitokisana.

Efa fantatr'i Jesoa mialoha izany satria mbola marefo amin'ny finoana ireto mpianatra ireto, tsy mbola nandray ny herin'ny Fanahy Masina, hafanam-po araka ny maha-olombelona fotsiny no nanomezany toky an'i Jesoa. Tsy tokony ho toy ireo kosa isika amin'izao andron'ny Fanahy izao. Fanahy mahery no nomena antsika.