Inona no nampahitan' Andriamanitra anao ny amin'ny anton'ny fisianao eto amin'ity tany ity? Inona no tanjon' Andriamanitra amin'ny fahavelomanao? Noforonina hanao inona ety ianao? Sa izay tianao sy mahafinaritra anao no ataonao? Sa manaraka ny rivotra mitsoka sy ny onjan'ny zavatra malaza ety fotsiny ianao dia mivenjivenjy tsy manana anton-dia? Mampahafantatra ny sitrapony izay tsara sy ankasitrahana ary marina ho amin'ny fiainan'ny zanany tsirairay Andriamanitra. Rehefa fantatrao izany dia soraty mazava tsara, ataovy lehibe mba ho hitan'ny masonao na mivoaka ianao na miditra, dia hizotra amin'izany tsikelikely ny fiainanao.