Mavesatra amintsika tokoa ny fahoriana amin'izao ankehitriny izao, tsy manao ny fanaon'izao tontolo izao ianao dia halan'izao tontolo izao tahaka ny nankahalany an'i Jesoa. Izy mihitsy no efa nampiomana hoe : "Aty amin'izao tontolo izao no ahitanareo fahoriana ...". Maro ny kristiana tsy mahazaka fahoriana, menatra ny hijoro ho vavolombelon'ny Tompo no mivadika. Tanteraka aminy teny hoe : "Fa aoka ho fantatrao fa any am-parany any dia hisy andro mahory. Fa ny olona ho tia tena, ho tia vola ... tia fahafinaretana mihoatra noho ny fitiavany an' Andriamanitra ... nandà ny heriny" - 2 Timoty 3:1-5. Tsy mahalala ny voninahitra haseho ho azy rahatrizay ny kristiana toy izany, lasa kristiana mihatsaravelatsihy, matimaty.