Amin'ny zavatra rehetra mitranga dia misy miteny hoe : "Tsy hita fa izao no sitrapon' Andriamanitra ê!". Tsy mihinan-kanina izy mianakavy, marary, tsy mianatra ny ankizy, maditra ny vady na ny zanaka dia tsotsorin'ny sasany hoe: "izao no anjara sy lahatra ê"

Tsy mandahatra loza eo amin'ny fiainan'ny zanak'olombelona Andriamanitra, ny sitrapony dia ny mba hiainantsika miadana sy mandry fahizay. Vaovao mahafaly izany, tsy miova izany sitrapony izany ambara-pahatongan'ny fahataperan'izao tontolo izao. Raha ho tonga any an-danitra izany olona manana fisainana diso izany dia hahazo fanitsiana manokana amin' Andriamanitra, ny zavatra tsy ankasitrahany aza lazaina fa sitrapony.