Izany no atao hoe finoana tsy mamela mahazo. "Ravehivavy, lehibe ny finoanao" hoy Jesoa. Niantsoantso sy nitalaho mafy izy mba hanasitranana ny zanany vavy izay ampahorian'ny demonia loatra. Tsy namaly azy akory Jesoa, namporisika an'i Jesoa handroaka azy ny mpianatra, teny nandiso fanantenana no namalian'i Jesoa azy : "Tsy mety raha maka ny mofon-jaza ka manipy azy ho an'ny amboakely". Niala ve izy? Tsia, fa hoy izy : "Marina izany, Tompoko, fa na dia ny amboakely aza mba mihinana izay sombintsombina latsaka avy amin'ny latabatry ny tompony ihany". Aza malaky miala, tano mafy ny finoana