Tenin'i Rota tamin'i Naomy rafozany io, tsy nahatapaka ny fifamatorany ny fahafatesan'ny vadiny satria naoriny tamin' Andriamanitra fitiavana ny fihavanany. Mba misy olona miteny aminao hoe : "Ary ny Andriamanitrano no Andriamanitro" ve? Enga anie ka mba ho marina amin'ny kristiana ankehitriny ny teny ao amin'ny Zakaria 8:23 hoe : "Amin'izany andro izany dia hisy folo lahy avy amin'ny firenena samy hafa fiteny rehetra hihazona ny sisin-damban'ny Jiosy anankiray ka hanao hoe: Mba handeha hiaraka aminareo izahay; fa efa renay fa momba anareo Andriamanitra.". Raha hitan'ny manodidina anao eo amin'ny fiainanao Jesoa fahazavàna, dia manatona sy manaraka ho azy ny fahazavàna ao aminao izy ireo.