Tsy nisy zara-vilana, afa-po avokoa ny rehetra. "Ny fihevitro tsy fihevitrareo" hoy ny Tompo, fa ny kajin'ny Tompo tsy mitovy amin'ny kajintsika. Araka ny saintsika olombelona, tsy mitombina ny kajin'i Jesoa. Mofo dimy sy hazan-drano roa ve dia azo zaraina ho an'ny olona dimy arivo (ny lehilahy fotsiny), ny valiny dia ny hoe "ary nihinana avokoa izy rehetra ka dia voky", ny ambiny? Roa ambininfolo sobiky! Mahazo sobiky iray avy ny mpianatra ! Betsaka lavitra noho ny natolotra hozaraina ny ambiny!

Rediredy ve izany? Aza mamaky io tantara io intsony ary esory sy ongoty tsy ho ao anatin'ny filazantsara ary ê!

Mahazo tombony izay mino. "Tsy voalazako va fa raha hino hianao dia hohitanao ny voninahitr' Andriamanitra" hoy Jesoa ao amin'ny Jaona 11:40. Hoy koa Izy : "Aza isan'izay tsy mino, fa minoa" - Jaona 20:27^b

Mivavaha mba tsy ho voasakan'ny kajikajikajin'olombelona ny famonjena ireo marobe mila vonjy