Manahy mandrakariva isika ka mamerimberina ao an-tsaina sy ao am-bava, mieritreritra hoe : "Inona no hohanina, inona no hotafiana, inona no hosotroina". Ahoana no hanefana ny hofa-trano, ny jiro sy rano, ny saran-dalana, ny fianaran'ny ankizy ...?

"Fa izany rehetra izany dia katsahin'ny Jentilisa fatratra ..." hoy Jesoa. Ny Jentilisa tsy mahallala afa tsy ny ara-nofo sy ny eto ambonin'ny tany ihany, dia tsy mandry andro, tsy mandry alina manao izay fomba rehetra azo atao mba hiainana. "Impiry hiaina?" hoy ny olona ka na efa manana ny sahaza aza dia tsy mionona amin'izany. Mampalahelo ny olona toy izany, tsy manana fanantenana afatsy ny eto amin'ity tany mandalo ity

Hoy ny fanontanian'i Jesoa : "Fa inona moa no soa ho azon'ny olona, raha mahazo izao tontolo izao, kanefa very ny ainy? Ary inona no homen'ny olona ho takalon'ny ainy?" - Matio 16:26

🤲 Vavaka :

Mivavaha mba ampahiratiny ny masontsika ka ho fantatsika fa tena Ray azo itokiana Izy