Nanomboka teo dia nijanona tsy ho mpanarato trondro intsony Petera. Fa ianao kosa, tohizo hatrany io asanao io, raha tsy hoe tsy mifanaraka amin'ny sitrapon' Andriamanitra angaha! Amin'ny alalan'io asanao io ary any amin'ny toeram-piasanao ianao no manarato olona. Tsy ny trondro no manatona mpanarato fa ny mpanarato no mandeha any amin'izay toerana misy ny trondro. Tsy mitady vola no tena anton-dianao any fa manarato olona ho an'ny Tompo. Ny vola mety lany ihany fa ny olona mibebaka dia harena maharitra mandrakizay any an-danitra. Omen'ny Tompo anao izany rehetra ilainao hanatanterahanao ny iraka niantsoany anao. Dia mandrosoa amin'ny lalina kokoa.

Vavaka : Jesoa ô, ataovy mahazo olona maro ho anao aho! Amen