Ka tsy menarana ve no namitaka an'i Eva? Ny devoly no mpamitaka, nampiasa ny menarana. Zava-boaharin' Andriamanitra ireny ary nisy lesona tsara azo raisina amin'ny fombany. Rehefa misambotra biby atao sakafo ny menarana, toy ny voalavo, dia mandinika tsara, tsy manao kitoatoa, tsy mikoropaka foana, hany ka izay kendreny dia azony avokoa. Hendry ny menarana, mahay mihaza. Toy izany koa ianao, hevero tsara ny maha iraky ny Tompo anao, angataho amin'ny Jesoa mba hifanaraka tsara amin'ny sitrapony ny teninao, ny fitondran-tenanao, ny asanao dia afaka hanova ny amboadia ianao. Olon-kendry ny iraky ny Tompo.

Vavaka : Ampianaro hanao asa tsara tahaka Anao izahay Jesoa ô! Amen!