Tsy fireharehana na fanandrata-tena akory ny fitoerana amin'ny toerana ambony natokana ho an'ny jiro. Ny antom-pisiantsika dia ny hanazava araka ny fanambaran'i Jesoa hoe : "Ianareo no fahazavan'izao tontolo izao". Tsy fanetre-tena ny tsy fanekena hipetraka amin'ny toerana ametrahan'i Jesoa anao. Maty ny jiro raha apetraka ao ambany vata famarana.

Aoka ary hazava ny fahazavanao. Manàna fahadiovam-po. Aoka ny tenin' Andriamanitra no ho fanilon'ny tongotra sy fanazavàna ny làlanao. Mitsangàna, mihazavà, aza misitrisitrika, aza menatra ny ho vavolombelon'ny Tompo.

Vavaka:

Mba hanambara Anao avokoa anie ny teninay sy ny asanay ary ny toetranay. Amen!