Tsy ampy hiatrehana ny fiainana an-davanandro ny vola eo am-pelatanana. Misy aza ireo bokan'ny trosa. Koa aiza ny vola hamonjena ny olona latsaka an-katerena? Misy fandaniam-bola ataontsika amin'ny tsy mahasoa ary tena tsy araka ny sitrapon' Andriamanitra. Olona efa manana finday; nefa mahita vaovao dia mividy. Tsy tao anatin'ny teti-bola izany. Mizaha toetra ny finoanatsika sy fitiavantsika Azy Andriamanitra manoloana ny iraka tsy tao anatin'ny teti-bola. "Manomeza, dia homen’Andriamanitra ianareo; ... fa izay fomba hamaranareo ho an’ny olona ihany no mba hamaran’Andriamanitra ho anareo koa." - Lioka 6:38 DIEM.

Vavaka: Ampianaro hahatoky Anao amin'ny fonay rehetra izahay fa tsy hiankina amin'ny fahalalanay. Amen