Tsy ny pasitera na mopera na misionera na ny mpiandry ... ihany no iraky ny Tompo fa ny mino rehetra. Hoy Jesoa : "Izay mino Ahy, ny asa ataoko no ataony koa" - Jaona.14.12. Ny fitadiavana mahazaka maniraka. Mitady inona ianao? Mpitady vola? Jesoa nitady sy namonjy ny very. Tahaka Azy izay mino Azy. Entin'ny fitiavam-bola hatrany amin'ny faran'ny tany ny olombelona. Fa mahazaka anao hatraiza ny fitiavan'i Jesoa? Izy niala tany an-danitra ary tonga tety an-tany ary niafara hatreo amin'ny hazo fijaliana mba hamonjena anao. Any amin'izay alehanao rehetra, vavolombelon'i Jesoa ianao; izay rehetra ataonao dia ho fanompoana Azy. Ahoana no tsy hovoatory hatrany amin'ny faran'ny tany ny filazantsara?

Vavaka: Jesoa ô Mba hanaiky ho irakao avokoa anie ny mino rehetra. Amen!