Tsy mandry andro tsy mandry alina ny olona maro mitady vola. Hoy ny mpamonjy lanona tia fahafinaretana : "Ny masoandro miposaka no mampalahelo". Misy tia fanatanjahan-tena, tia akoholahy, tia facebook, tia olon-kafa mihoatra ny fitiavany ny vady aman-janany.

Fa manao ahoana ny fitiavanao an' Andriamanitra Izay nanolotra ny Zanany Lahy tokana maty teo amin'ny hazo fijaliana hamonjy anao? Dia hoy ianao : voavela ny heloko ary azoko ny famonjena. Mbola maro no manao hoe : "Tsy manam-potoana hivavahana sy hamakiana baiboly aho! Rehefa tsy misy manahirana ahy intsony dia mba mamaky baiboly eo am-pandriana aho".

Izay tia an' Andriamanitra dia mitady Azy amin'ny fo rehetra, misaintsaina ny teniny andro aman'alina, mivavaka tsy mitsahatra! Mpifankatia ê!

🤲Vavaka

Mba ho marina anie ny fanekena nataonay taminao hoe : "ho tia Anao amin'ny fo rehetra"