Tsy maintsy mikatsaka izay ilaintsika eto amin'ity tany ity isika, fa tsy mikatsaka fatratra izany tahaka ny olona tsy manana an'Andriamanitra ho Rainy. "Katsaho aloha ny fanjakany sy ny fahamarinany", ao anatin'izany no hikatsahanao izay hohaninao sy hosotroinao ary hotafianao. Raha manana an'Andriamanitra ho Rainao ianao dia katsaho fatratra izay hahatsara ny fifandraisanareo sy ny hanaovanao ny sitrapony. Ianao aza mihevitra izay hahasoa mandrakariva ny zanakao, maika fa Izy? Fa tena nekenao ho Rainao tokoa ve izy ary ianao manaiky ho zanany? Aza manahy, fantany izay tokony ho anao!

🤲 Vavaka :

Ento am-bavaka ny kristiana mba hikatsaka ny Tompo amin'ny fo rehetra