Nilatsaka tamin'ny Apostoly ny Fanahy Masina dia samy nanambara ny asa lehibe nataon' Andriamanitra izy ireo tamin'ny fiteny samihafa. Nolazain'ny sasany fa mamo ny Apostoly. Ry zareo no tsy sahy miteny imason'olona raha tsy misotro ary mamomamo dia lazainy fa manao ny fanaony ny mpianatra feno Fanahy Masina.

Raha voafatotry ny henatra sy tahotra ny manodidina ianao nefa te hijoro vavolombelona sy hanambara ny fahatsaran'i Kristy, dia mangataka mandrakariva ny fahadiovam-po sy fahafenoan'ny Fanahy. Afaka ny hakanosana, ho sahy tahaka ny Apostoly ianao. Rehefa mameno ny fonao ny Fanahy Masina dia ho marina aminao ny tenin' Jesoa hoe : "fa amin'ny haben'ny ao am-pony no itenenan'ny vavany" - Lioka 6:45^b