Manoloana izay hitan'ny maso sy ren'ny sofina isan'andro dia maro no miraviravy tanana sy diso fanantenana. Mivarilavo amin'ny zava-mahadomelina ny sasany, maro no mirona amin'ny asa ratsy miharoharo amin'ny halatra sy lainga ary kolikoly, manary dia amin'ny lanonana ny hafa.

Raha mino an'i Jesoa hianao dia manantena mandrakariva : "Aty amin'izao tontolo izao no ahitanareo fahoriana nefa matokia Izaho efa naharesy izao tontolo izao". Mampatanjaka sy mampahery ny fonao izany teny izany. Tsy miova Jesoa!