Tsy mendrika ny fiantsoana antsika ny ady sy korontana, ny fisarahana sy fifandrafiana. "Iray ny tena, iray ny Fanahy, iray ny Tompo, iray ny finoana, iray ny batisa, iray Andriamanitra (4:4,5)". Isika samy mpanaradia ny Tompo ve dia hifandrafy? Ara-dalana ny fahasamihafana satria tahaka ny ratsam-batana ny tsirairay, samy manana ny anjara asa sy anjara toerany. Fa noforonina mba hifameno sy hifanampy ary hiara hanatratra tanjona izay isika rehetra na dia maro aza. Tsy olom-boaatson'ny Tompo izay miaina ao anatin'ny fifampiandaniana sy ny samy maka ho azy.