Rehefa mihavana amin' Andriamanitra isika dia mahiratra ny maso ary gaga sy talanjona mahita ny hamaroan'ny asa nataon' Andriamanitra tamin'ny fahendrena. Tsy isaky ny alahady na any am-piangonana ihany ianao no midera an' Andriamanitra amin'ny alalan'ny Salamo fa amin'ny fotoana rehetra sy manoloana ny toe-javatra rehetra.

Voafetra ny fiderana ataontsika raha mikipy ny maso. Raha nanonona ireo zavaboahary teny amin'ny habakabaka sy tety an-tany ary tany an-dranomasina ity mpanao salamo ity dia nihiratra ny masony.

Mampalahelo ireo olona maro jamba tsy mahita afa tsy zava-dratsy. Mihavàna amin' Andriamanitra, mibebaha dia ho feno fideràna ny fiainanao