Tsy nafahana tamin'ny fanandevozan'ny Egyptiana fotsiny ny Zanak'Israely fa tsy nanao intsony koa ny fanaony. Ny fitahian' Andriamanitra no katsahin'ny olona fatratra fa ny hanao ny sitrapony tsy zava-dehibe aminy. Izany no ahitantsika olona mivavaka be ary manana toerana lehibe amin'ny fanompoana Azy nefa mangalatra, manao kolikoly sy manompo sampy. Rivotra niainan'ny fiaraha-monina tamin'izany fotoana izany ny fijangajangana, izany no nananaran'i Paoly ny kristiana hifady ny fijangajangana (1 Tesaloniana 4:3). Tsy mahazo maka volon-tany tahaka ny trandraka isika, tsy maintsy mijoro ho fahazavana amin'ny toerana rehetra sy fotoana rehetra.