Indraindray ianao reraka, indraindray ianao mahery; ny irina dia ny ho salama sy matanjaka mandrakariva, mpahazo antsika koa nefa ny tsy fahasalamana sy harerahana. Soa ihany fa misy ny iray tam-po ao amin'ny Tompo. Ratsambatan'i Kristy isika rehetra, raha ditsoka ny maso, manafosafo ny tanana, raha may ny tanana, mitsoka ny vava. Mandeha ho azy amin'ny vatana izany ary tokony ho fiainana kristiana. "Mifampitondrà izay mavesatra" - Galatiana 6:2^b, "Miaraha mitomany amin'izay mitomany" - Romana 12:15. Ahirato ny masonao fa misy olona maro miraviravy tanana sy malemy lohalika manodidina anao, anjaranao no manome izay tandrify azy ireny, dia hahery foana ianao.