Mirohatra mivavaka any am-piangonana ny olona ny alahady marainan'ny Pentekosta; misy atao batisa, raisina ho mpandray ary miombon-databatra amin'ny Tompo, manao akanjo fotsy. Fa ny harivan'ny alahady sy ny alatsinain'ny Pentekosta, nihoso-potaka tamin'ny lanonan'izao tontolo izao sy ny fisotroan-toaka ny sasany. Nandray ny Fanahy Masina ve izany olona izany? Izay nandray ny Fanahy Masina dia manahaka an'i Jesoa, manantanteraka ny iraka niantsoana azy. Dia ho vavolombeloko ianareo hoy Jesoa: izany ve no fiainanao?

Vavaka:

Fanahy Masina ô! Ny fiainanay isan'andro, ny asanai sy ny fitondran-tenanay ary ny fitenanay anie dia ho fanefanay ny irakao. Amen!