Izay nandray ny famonjena dia nomena be ary nampitehirizina be. Manan-karena amin'ny zavatra rehetra isika ao amin'i Jesoa Kristy (1 Korintina 1:5). "Anao avokoa izay rehetra ananako" hoy Andriamanitra Rainao (Lioka 15:31). Enga anie ka tsy ho tahaka ny mpanankarena mahantra isika na ho tahaka ny zanaky ny mpanjaka nefa mitondra tena tahaka ny mpangataka. "Efa nahazo maimaimpoana hianareo, ka manomeza maimaimpoana" hoy Jesoa Matio 10:8, "Omeo dia mba homena hoanareo" - Lioka 6:38^a. Inona no misy any aminao? Ny mpianatra nilaza hoe : "Tsy manana afa tsy mofo dimy sy hazan-drano roa izahay". Fa rehefa natolony an'i Jesoa izany dia nahavoky ireo olona noana marobe.