"Fa maro no antsoina, nefa vitsy no fidina" - Matio 22:14. Ho an'ny olona rehetra ny famonjena, izao tontolo izao no notiavin'i Jesoa, hatrany amin'ny faran'ny tany no itoriana filazantsara saingy izay mino ihany no hovonjena. Ny finoana dia hamarinina amin'ny fanapaha-kevitra. Raha manaiky hiditra ao amin'ny fanasana ianao dia tsy maintsy manaiky koa hanaisotra ilay akanjo fanao an-davan'andro ary hanao ny fanamiana mendrika izany antso miavaka izany. Maro ny olona no tsy tena mibebaka sy miala amin'ny ratsy fanaony fa ny maha vita batisa sy maha mpandray ny fanasan'ny Tompo no mavesa-danja aminy. Ho voaroaka any ivelany izany mpamita-tena izany.