Tsy ny hahazoana fitahiana manana amby ampy no anton'ny hanolorana fahafolon-karena. Filan-karena no antony manosika amin'izany fa tsy fitiavana an' Andriamanitra. Izy ve dia fitahinao tahaka ny fanaon'ny mpisotro toaka hoe : "Doniko tapany handoa erany?". Ny toe-pontsika no jeren' Andriamanitra voalohany vao ny zavatra ataontsika ety ivelany. "Ary na dia omeko hohanin'ny malahelo aza ny fananako rehetra, ary na dia atolotro hodorana aza ny tenako, kanefa tsy manana fitiavana aho, dia tsy mahasoa ahy akory izany" - 1 Korintiana 13:3. Raha manaiky an'i Jesoa ho Tompo ianao dia Azy zato isan-jato ianao sy ny fanananao.