"Ary hitan' Andriamanitra izay rehetra nataony, ary indro, tsara indrindra izany". Taorian'ny nahariana ny olombelona no nitenenany izany. Mba hamonjena ny "ny tsara indrindra" very noho ny fahotana dia natolony "ny tsara loatra" dia ny Zanany Lahy Tokana hamerenana antsika ho Zanany indray. Nihoatra ny fitiavan' Andriamanitra. Ilay hany tokana tao Aminy no nataony sorona satria tsy foiny ianao. Lafo dia lafo, tsy moramora ny nividianany anao, tsy azo oharina amin'ny volamena sy volafotsy. Dia inona avalinao izany?

🤲 Vavaka:

Andriamanitra ô, ampahafantaro anay ny fahoriana nentin'i Jesoa teo amin'ny hazo fijaliana izay vidin'ny famonjena anay