Mihanjahanja eo anatrehan' Andriamanitra ny ratsy fanaon'ny olony. Betsaka ny manamarin-tena, manafina ny fahotany amin'ny fanaovana asa fanompoana. Maro ny fahotana tsy miseho ivelany fa ao am-po toy ny fitsiriritana, otri-po, fankahalana, fialonana, fijangajangana ... araka ny fanambaran'i Jesoa hoe : "Fa Izaho kosa milaza aminareo fa izay rehetra mijery vehivavy hila azy dia efa nijangajanga taminy tam-pony sahady." - Matio 5:28.

Misy sahy miteny hoe : "olo-marina, olom-banona aho", tsy maninona izany. Fa Isaia kosa rehefa nahita ny fahamasinan' Andriamanitra dia niaiky hoe : "Lozako! maty aho! fa lehilahy maloto molotra sady ato amin'ny firenena maloto molotra no itoerako, fa ny Mpanjaka dia Jehovah Tompon'ny maro no hitan'ny masoko!"

🤲Vavaka:

Mba hahita Anao anie ny fiangonana olonao, dia hibebaka, sy hiala amin'ny fahaloton'ny fo sy saina, hiala ny fahaloton'ny maso, molotra, sofina ary tanana, dia hiala amin'ny ratsy fanaonay izahay