Eto amin'ity tany feno fahantrana ity, taiza no nisy an'izany? Teo amin'ny fiangonana voalohany, taorian'ny Pentekosta. Nifankatia ny mpino ary niantraika tamin'ny fai-piainan'izy ireo izany. Nomen'ny mpandinika anarana hoe : "Asan'ny Fanahy Masina" ny bokin'ny Asan'ny Apostoly. Rehefa miasa ny Fanahy Masina dia misy ny fifampitsimbinana sy fifanohanana eo amin'ny samy mpino izay azo oharina amin'ny vatana iray ihany. Izany ve no zava-misy ao amin'ny fiangonana ankehitriny? Ao amintsika kristiana tokoa ve ny Fanahy Masina?

Vavaka:

Ianao Fanahy Masina niasa tamin'ny fiangonana voalohany anie mba hamerina indray ny tantara tsara fahiny dia ny fifankatiavana. Amen!