Mampitombo ny finoantsika sy mampahery antsika hazoto hivavaka izao fanambaràna izao. Hay tsy very maina ny fikelezantsika aina mivavaka. Entina eo anatrehan'ny Tompo ao anaty lovia volamena tahaka ny ditin-kazo manitra ireny arahin'ny fiderana ravahan'ny lokanga volamena.

Minoa fa mihaino sady mamaly ny vavaka ataonao ny Tompo. Hoy ny fideràna nataon'i Paoly : "Ary ho an'izay mahay manao mihoatra noho ny zavatra rehetra, eny, mihoatra lavitra noho izay rehetra angatahintsika na heverintsika aza, araka ny hery izay miasa ato amintsika, ho Azy anie ny voninahitra ao amin'ny fiangonana ..." - Efesiana 3:20-21