Ny olona mino dia manana fifandraisana lalina sy manokana amin' Andriamanitra. "... ny mpanompo tsy mahalala izay ataon'ny tompony; fa efa nataoko hoe sakaiza ianareo, satria izay rehetra reko tamin'ny Raiko no nambarako taminareo" - Jaona 15:15. Koa aza mitondra tena tahaka ny olona mahantra na mpangataka na mpanompo, Zanak'Andriamanitra ianao, "anao avokoa izay rehetra ananako" hoy Andriamanitra (Lioka 15:31). Raha inoanao izany, tokony hanao ahoana ny hafanan'ny fitiavanao an'Andriamanitra, misy fetrany ve ny fankatoavanao Azy? Ny voninahitra an-tsobika aza atao am-patam-bary!